Wednesday, July 9 2025

Yllix Ads

បុរសម្នាក់ឈ្លោះជាមួយប្រពន្ឋ ​លើ​រថយន្ត​ក្រុងកំពុងបើកបរ ស្រាប់តែស្ទុះទៅ​ទាញ​បួង​ចង្កូតរថយន្តបណ្តាលអោយរថយន្តឡើងខឿនផ្លូវប៊ិះក្រឡាប់ អ្នកជិះខឹងនាំគ្នាព្រួតវាយជិតស្លាប់

ខេត្តកំពង់ចាម ៖ អ្នក​ធ្វើ​ដំណើរ​ជា​ច្រើន​នាក់​ក្នុង​នោះ​មាន​ពលរដ្ឋ​ខ្មែរ និង​បរទេស​ជិះ​លើ​រថយន្តក្រុងមួយ​គ្រឿង​បាន​នាំ​គ្នា​ភ័យ​ស្លន់ស្លោរ​ដោយសារ​តែ​មាន​អ្នកដំណើរ​ម្នាក់​ដែល​ឈ្លោះ​ជា​មួយនឹង​​ប្រពន្ធបាន​ស្ទុះរ​ត់ទៅ​ទាញ​បួង​ចង្កូតរថយន្ត​ដែល​កំពុង​បើកបរ​នៅ​លើ​ផ្លូវជាតិ​លេខ​៦ ត្រង់​ចំណុច​គីឡូ​លេខ​៧០​ក្នុងភូមិ​រវៀង ឃុំ​ខ្នុរ​ដំបង ស្រុក​ជើងព្រៃ ។ ហើយ​នៅ​រសៀល​ថ្ងៃ​ទី​០៥ ខែកុម្ភៈ ឆ្នាំ​២០១៨ អ្នក​បង្ក​នោះ​ត្រូវ​បា​នបញ្ជូ​ន​ទៅ​ស្នងការដ្ឋាន​នគរបាល​ខេត្ត​ដើម្បី​ចាត់វិធានការ​តាម​ច្បាប់​ហើយ ។ លោក​វរ​សេនី​យ៏​ឯក ប្រាក់ សុ​គុណ អធិការ​នគរបាល​ស្រុក​ជើងព្រៃ​ប្រាប់​ឲ្យ​ដឹង​ថា រថយន្តក្រុង​ដឹក​អ្នកដំណើរ​ម៉ាក​ហ៊ី​យ៉ា​ន​ដាយ​១​គ្រឿង ពាក់​ស្លាក​លេខ ភ្នំពេញ ៣A-១៨៦៣ បើកបរ​ដោយ​ឈ្មោះ ភុំ ណា​ក់ ភេទ​ប្រុស អាយុ​២៥​ឆ្នាំ នៅ​ភូមិ​ចុង​ដូង ឃុំ​ចុង​ដូង ស្រុក​បារាយរ​ណ៏ ខេត្តកំពង់ធំ កាលពី​ព្រឹក​ថ្ងៃ​ទី​០៤ កុម្ភៈ បាន​ដឹក​អ្នកដំណើរ​ខ្មែរ និង​បរទេស​ពេញ​រថយន្ត​ចេញពី​រាជធានី​ភ្នំពេញ​ដើម្បី​ឆ្ពោះ​មក​កាន់​ទឹកដី​អង្គរ​ខេត្តសៀមរាប ។ អធិការ​នគរបាល​ស្រុក​ជើងព្រៃ​ប្រាប់​បន្ត​ថា ស្រប​ពេលវេលា​ម៉ោង​៩​នឹង​៣០​នាទី​ព្រឹក​មក​ដល់​ត្រង់​ចំ​ណុច​ភូមិ​រវៀង ឃុំ​ខ្នុរ​ដំបង ស្រុក​ជើងព្រៃ នោះ​ស្រាប់តែ​អ្នកដំណើរ​ម្នាក់​ឈ្មោះ សំ សុ​ជាន ភេទ​ប្រុស អាយុ​៣០​ឆ្នាំ រស់នៅ​ភូមិ​គោក​ចាន់ ឃុំ​តា​សោម ស្រុក​អង្គ​ជុំ ខេត្តសៀមរាប ដែល​បាន​បង្កជម្លោះ​ជាមួយនឹង​ប្រពន្ធ​ឈ្មោះ តឹ​ប នី​ន អាយុ​២៩​ឆ្នាំ បន្ទាប់​មក​បុរស​ជា​ប្តី​នោះ​បាន​ខឹង​នឹង​ប្រពន្ធ​ពេក​បែរជា​ស្ទុះ​ទៅចាប់​ទាញ​ចង្កូត​រថយន្តក្រុង​ដែល​កំពុង​បើកបរ​តាម​ផ្លូវ​ដែល​ជា​ហេតុ​ធ្វើ​ឲ្យ​រថយន្ត​វេរ​ចុះឡើង​ៗ និង​បានឡើង​លើ​សួនច្បារ​ដាំ​លំអរ​ផ្លូវ ។ ក្នុង​ពេល​នោះ​អ្នកដំណើរ​លើ​រថយន្តក្រុង​មាន​បរទេស និង​ខ្មែរ​នាំ​គ្នា​ភ័យទាំង​ព្រលឹង​នៅ​ចុង​សក់​ដោយ​ហេតុតែ​ខឹង​ពេក​អ្នក​ធ្វើ​ដំណើរ​នាំ​គ្នា​វាយដំ​លើ​រាង​កាយ​ជន​បង្ក​ដែល​បំ​រុង​ឲ្យ​មនុស្ស​មួយ​រថយន្ត​ត្រូវ​រងគ្រោះថ្នាក់​ទាំងអស់​គ្នា និង​បាន​បញ្ជូន​ទៅ​កាន់​អធិការដ្ឋាន​នគរបាល​ស្រុក​ជើងព្រៃ​សួរនាំ​ចោទប្រកាន់​ពី​បទ​បំផ្លិចបំផ្លាញ​ទ្រព្យសម្បត្តិ​អ្នក​ដ៏​ទៃ ហើយ​តាម​តាម​រយៈ​ការ​ធ្វើតេស្ត​ទឹកនោម​រក​ឃើញ​មាន​សារធាតុ​ញៀន​ផង​ដែរ ។ លោក​ឧត្តម​សេនី​យ៏​ត្រី សោម រស់ ស្នងការ​នគរបាល​ទទួល​ផែន​សណ្តាប់ធ្នាប់​ប្រាប់​ឲ្យ​ដឹង​ដែរ​ថា តាមគោល​ការ​ណ៏​ជន​បង្ក​ខាងលើ​នោះ​នឹង​ត្រូវ​បញ្ជូន​ទៅ​សាលាដំបូង​ខេត្ត​អាច​ដាក់​ពន្ធនាគារ​ខេត្ត​​ដើម្បីឲ្យ​រាងចាល​កុំ​ឲ្យ​ថ្ងៃក្រោយ​ធ្វើ​សកម្មភាព​បែប​នេះ​បន្ត​ទៀត ។


No comments:

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Powered by Blogger.