ពីរនាក់ជិះម៉ូតូប៉ះដៃចង្កូតគ្នាដួលចូលរថយន្តកុងតឺន័រកិនស្លាប់ម្នាក់និងរបួសធ្ងន់ម្នាក់
(ភ្នំពេញ)៖ហេតុការណ៍គ្រោះថ្នាក់ចរាចរដ៏រន្ធត់មួយបានកើតឡើងដែលបណ្ដាលឱ្យយុវជនវ័យក្មេងម្នាក់បានស្លាប់ភ្លាមៗនៅកន្លែងកើតហេតុនិងម្នាក់ទៀតរងរបួសយ៉ាងធ្ងន់ធ្ងរហើយបានរថយន្តសង្គ្រោះដឹកទៅមន្ទីរពេទ្យភ្លាមៗខណះជិះម៉ូតូឌុបគ្នាបណ្ដាលឱ្យដួលហើយត្រូវបានរថយន្តកុងតឺន័រមកពីក្រោយបើកកិននៅផ្លូវជាតិលេខ១ភូមិជ្រោយអំពិលសង្កាត់ក្បាលកោះកាលពីយប់ថ្ងៃទី២៩ ខែមករា ឆ្នាំ២០១៨ ។
អ្នកភូមិនិយាយថា សិស្សសាលាវ័យក្មេងពីរនាក់ នេះ ជិះម៉ូតូម៉ាកPCXពាក់ផ្លាកលេខនគរបាល ដែលជនរងគ្រោះឈ្មោះពៅ ឆេងលី ភេទប្រុស អាយុ១២ឆ្នាំ មុខរបរជាសិស្សនិងជនរងគ្រោះរបួសធ្ងន់មានឈ្មោះយ៉ុងរស្មីអាយុ១៤ឆ្នាំមុខរបរជាសិស្សជនរងគ្រោះទាំងពីរនាក់ រស់នៅភូមិកោះប្រាក់ឃុំភូមិធំស្រុកកៀនស្វាយ។
អ្នកនៅកន្លែងកើតហេតុបានឱ្យដឹងថានៅមុនពេលកើតហេតុគេបានឃើញយុវជនវ័យក្មេងពីរនាក់នេះ ជិះម៉ូតូមួយគ្រឿងធ្វើដំណើរតាមបណ្តោយផ្លូវជាតិលេខ១ ក្នុងទិសដៅពីកើតទៅលិច។ ខណៈមកដល់ចំណុចកើតហេតុ ស្រាប់តែម៉ូតូជនរងគ្រោះដួលដោយទាក់ដៃចង្កូតជាមួយអ្វីមួយហើយក៏មានរថយន្តកុងតឺន័រពណ៌ពាក់ផ្លាកលេខភ្នំពេញ3C9312ធ្វើដំណើរស្របទិសគ្នាមកពីក្រោយបុកនិងកិនទាំងកំរោលបណ្តាលឱ្យយុវជនម្នាក់ស្លាប់ភ្លាមៗនៅកន្លែងកើតហេតុ ។ ចំណែកយុវជនម្នាក់ទៀតរងរបួសធ្ងន់ធ្ងរ។
អ្នកភូមិដដែលបានបន្តថាភ្លាមនោះរថយន្តបង្កបានព្យាយាមបើករត់បានចម្ងាយប្រហែលជិត២គីឡូម៉ែត្រទើបឈប់ហើយម្ចាស់ចុះពីលើរថយន្តគេចខ្លួនបាត់។ក្រោយកើតហេតុជនរងគ្រោះត្រូវបានរថយន្តសង្គ្រោះទៅមន្ទីរពេទ្យភ្លាមៗ។
No comments:
Post a Comment