បង្ក្រាបទីតាំងរាំអាសអាភាសរបស់ជនបរទេស ១កន្លែង នៅក្រុងសៀមរាប
ខេត្តសៀមរាប ៖ កាលពីថ្ងៃទី២៥ ខែមករា ឆ្នាំ២០១៨ កម្លាំងការិយាល័យប្រឆាំងការជួញដូរមនុស្ស និងការពារអនិតិជន បានចុះបង្ក្រាបករណីរូបភាព និងសម្ភារអាសអាភាស ១កន្លែង មានទីតាំងស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ដឹកនាំសម្របសម្រួលដោយ លោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប និងលោកស្រី ឧត្តមសេនីយ៍ត្រី ដួងថាវរី ស្នងការរងនគរបាលខេត្ត ។ តាមការបញ្ជក់របស់ លោកវរសេនីយ៍ឯក ជា ហេង នាយការិយាល័យជូញដូរមនុស្ស និងការពារអនិតិជន បានឲ្យដឹងថា ក្នុងកិច្ចប្រតិបតិ្តការនេះ បានប្រមូលភ្ញៀវទេសចរ ចំនួន ៧៧នាក់ ស្រី ៣៦នាក់ និងក្រុមអ្នករៀបចំចំនួន ១០នាក់ (ជនសង្ស័យ) ដែលកំពុងច្រៀងរាំជារបៀបអាសអាភាស ។ ក្នុងនោះ ភ្ញៀវចំនួន ៧៧នាក់ បាននាំទៅដល់ស្នងការដ្ឋានធ្វើការអប់រំ រួចឲ្យគាត់ត្រឡប់ទៅវិញ ។ រីឯជនសង្ស័យទាំង ១០នាក់ មានឈ្មោះ ១. Hone Daniel Richard ភេទប្រុស អាយុ ៣១ឆ្នាំ ជនជាតិអង់គ្លេស, ២.PaulFrancisHarris ភេទប្រុស អាយុ ៣៣ឆ្នាំ ជនជាតិអង់គ្លេស, ៣. Thomas alexanderJeffries ភេទប្រុស អាយុ ២៣ឆ្នាំ ជនជាតិអង់គ្លេស ។ ៤.Job robertus ភេទប្រុស អាយុ ២២ឆ្នាំ ជនជតិអង់គ្លេស, ៥.VINcenthook ភេទប្រុស អាយុ ២៦ឆ្នាំ, ៦. Brasch paul Martin ភេទប្រុស អាយុ ៣៣ឆ្នាំ ជនជាតិញូហ្សឺឡែន , ៧. Stevens billy ភេទប្រុស អាយុ ២២ឆ្នាំ ជនជាតិអង់គ្លេស, ៨. ballvrre David Nikolais Alex ភេទប្រុស ជនជាតិអង់គ្លេស, ៩. drolet Jessica ភេទស្រី អាយុ ២៥ឆ្នាំ ជនជាតិកាណាដា និង ១០. Kazoleas Edensaran ភេទស្រី អាយុ ២០ឆ្នាំ ជនជាតិកាណាដា ។ ជនសង្ស័យទាំង ១០នាក់នេះ ត្រូវបានឃាត់ខ្លួនតាមបញ្ជា លោក កើត វណ្ណារ៉េត ព្រះរាជអាជ្ញាអមសាលដំបូងខេត្តសៀមរាប ។ ក្នុងករណីនេះ កម្លាំងជំនាញកំពុងកសាងសុំណុំរឿងបញ្ជូនទៅតុលាការខេត្ត ចាត់ការតាមនីតិវិធី ៕
No comments:
Post a Comment