ស្រ្តីរូបឆោមស្រស់ស្អាតម្នាក់ ចងក.សម្លាប់ខ្លួន បន្សល់ទុកសំបុត្ររៀបរាប់ស្នេហា១ច្បាប
តាកែវ ៖ ស្រ្តីរូបស្អាតវ័យ៣៦ឆ្នាំម្នាក់ សង្ស័យមានវិបត្តិស្នេហ៍ធ្ងន់ធ្ងរ បានសម្រេចធ្វើអត្តឃាតចង.ក សម្លាប់ខ្លួន ស្លាប់ដោយមិនដឹងមូលហេតុ ដោយដាក់ការសង្ស័យវិបត្តិស្នេហា បន្សល់ទុកកូន ៣នាក់ ឲ្យនៅកំព្រា ដែល ហេតុការណ៍នេះ បង្កអោយមានការភ្ញាក់ផ្អើលកាលពីព្រលប់ថ្ងៃទី២៦ ខែមករា ឆ្នាំ២០១៨ ស្ថិតនៅភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ ។ សពអ្នកស្រី ចេវ សុវឌ្ឍនា ត្រូវបានអ្នកបម្រើក្នុងផ្ទះប្រទះឃើញចងក ដោយយកខ្សែវាំងនន ចងកទៅនឹង ចម្រឹងបង្អួច ក្នុងបន្ទប់ជួលមួយកន្លែង នៅចំណុចកើតហេតុខាងលើ កាលពីល្ងាចថ្ងៃទី២៦ ខែមករា ឆ្នាំ២០១៨ម្សិលមិញនេះ។ អ្នកស្រី ចេវ សុវឌ្ឍនា ជាមន្ត្រីបម្រើការនៅរដ្ឋសភា ហើយក៏ជាសមាជិកមួយរូបនៅ ក្នុងក្រុមយុវជន ១៥៧ គណបក្សប្រជាជនកម្ពុជាលើការងារពង្រីកចលនាយុវជននៅក្រៅប្រទេសផងដែរ។ មូលហេតុដែលនាំឲ្យស្ត្រីរូបនេះ សម្រេចចង.ក សម្លាប់ខ្លួន គឺនៅមិនទាន់មានការអះអាងឲ្យច្បាស់លាស់ពីករណីអត្តឃាតខាងលើនោះទេ តែសមត្ថកិច្ចសង្ស័យមានវិបត្តិស្នេហា ។ ចំណែកលោកអធិការក្រុងដូនកែវ ក៏មិនបានបញ្ជាក់ពីមូលហេតុច្បាស់លាស់ នៃការធ្វើអត្តឃាតនេះដែរ ប៉ុន្តែ ក្នុងបន្ទប់ធ្វើអត្តឃាតសមត្ថកិច្ចបានរកឃើញសំបុត្រមួយច្បាប់រៀបរាប់ពីវិបត្តិស្នេហា ដែលនាំឲ្យសមត្ថកិច្ចសន្និដ្ឋានថា ការធ្វើអត្តឃាតនេះ បណ្តាលមកពីវិបត្តិស្នេហា ឬស្នេហាត្រីកោណជាដើម ។ ក្រោយពីទទួលបានដំណឹងនេះភ្លាមកំម្លាំងនៃអធិការដ្ឋាននគរបាលក្រុងដូនកែវ បានចុះទៅដល់កន្លែងកើតហេតុ នឹងធ្វើកោសល្យវិច្ច័យ ដោយបានរកឃើញជនរងគ្រោះបានយកខ្សែវាំងននមាត់បង្អួចចង កំពស់ពីកំរាលឥដ្ឋ២៤០សម និងពីកន្លែងចងមកក មានប្រវែង៧០ សម ពីចុងជេីងមកកំរាលឥដ្ឋ២០សម។ នៅក្នុងកាបូបយួរដៃស្ថិតនៅលេីតុក្បែរ ជញ្ជាំងពីខាងកេីតគ្រែដេកមានស្រោមសំបុត្រ ពណ៌គគីហែកដាច់ជាពីរផ្ទាំងមានសរសេររៀបរាប់រឿងវិបត្តិស្នេហាផ្ទាល់ខ្លួន។ យោងតាមប្រភពពីសមត្ថកិច្ចក្រុងដូនកែវ បានអះអាងថា អ្នកស្រី ចេវ សុវឌ្ឍនា មានកូន ៣នាក់ បច្ចុប្បន្នកំពុងស្នាក់នៅជាមួយជីដូនក្នុងរាជធានីភ្នំពេញ ។ បច្ចុប្បន្ន គេក៏មិនដែលឃើញអ្នកស្រីទៅណាមកណាជាមួយស្វាមីនោះដែរ ជាហេតុនាំឲ្យមានការសន្និដ្ឋានថា អ្នកស្រី សុវឌ្ឍនា ជាស្ត្រីមេម៉ាយ ។ សមត្ថកិច្ចបន្ថែមថា អ្នកស្រី ចេវ សុវឌ្ឍនា បានទៅជួលផ្ទះកន្លែងកើតហេតុនៅក្រុងដូនកែវ ដើម្បីធ្វើអាជីវកម្មអស់ជាច្រើនឆ្នាំមកហើយ ។ បើតាមមិត្តភក្តិស្និទ្ធស្នាលរបស់ អ្នកស្រី ចេវ សុវឌ្ឍនា នៅតាមបណ្តាញសង្គមហ្វេសប៊ុក បានសម្តែងការសោកស្តាយ និងអាណិតអាសូរជាខ្លាំង ព្រោះអ្នកស្រីជាមនុស្សមានទឹកចិត្តល្អ និងតែងជួយរាល់ទុក្ខធុរៈមនុស្សជុំវិញខ្លួន ហើយពួកគេក៏មិននឹកស្មានថា អ្នកស្រីគិតខ្លីធ្វើអត្តឃាតបែបនេះផងដែរ ។ សមត្ថកិច្ចមិនបានបញ្ជាក់ឲ្យច្បាស់លាស់អំពីមូលហេតុនៃការធ្វើអត្តឃាតខាងលើទេ។ ប្រភពពីប្រជាពលរដ្ឋមួយចំនួនបានសង្ស័យករណីខាងលើជាអំពើឃាតកម្ម។ បន្ទាប់ពីសមត្ថកិច្ចបានពិនិត្យសពរួចរាល់ហើយ សព អ្នក សុវឌ្ឍនា ត្រូវបានកំម្លាំងជំនាញ ប្រគល់ជូនក្រុមគ្រួសារយកមកធ្វើបុណ្យតាមប្រពៃណីនៅផ្ទះក្នុងរាជធានីភ្នំពេញ ៕
No comments:
Post a Comment