រថយន្តបុកម៉ូតូពេញទំហឹងបណ្តាលឲ្យស្លាប់ម្នាក់ របួសធ្ងន់២នាក់នៅផ្លូវជាតិលេខ៨ ក្នុងស្រុកស្វាយអន្ទរ
ខេត្តព្រៃវែងៈ គ្រោះថ្នាក់ចរាចណ៍ដ៏រន្ធត់នេះ បានកើតឡើង កាលពីវេលាម៉ោង១១និង៥នាទីថ្ងៃទី៦ ខែកុម្ភៈ ឆ្នាំ២០១៨ នៅលើផ្លូវជាតិលេខ៨ ស្ថិតក្នុងភូមិពោធិ៍ជ្រៃ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។
ជនរងគ្រោះឈ្មោះ ផៃ ឧត្តម ភេទ ប្រុស អាយុ៣២ឆ្នាំ ភូមិត្របែកើត ឃុំអង្គរទ្រេត ស្រុកស្វាយអន្ទរ រងរបួសធ្ងន់ អ្នកបើកបរ និងអ្នករួមដំណើរ២នាក់ ១ឈ្មោះ ណៃ នី ភេទប្រុស អាយុ២៦ឆ្នាំ រស់នៅភូមិគក ឃុំអង្គរទ្រេត ស្លាប់នៅកន្លែងកើតហេតុ ២ ឈ្មោះ ធី ស៊ាងលី ភេទប្រុស អាយុ៨ឆ្នាំ រស់នៅភូមិត្រ រងរបួសស្រាល ។
មុនពេលកើតហេតុ គេឃើញជនរងគ្រោះម៉ូតូម៉ាកស្កូបពី ពណ៌ស បើកបរពីកើតទៅលិច លុះមកដល់ចំណុចកើតហេតុ ម៉ូតូជនរងគ្រោះ បត់ឆ្វេងមិនប្រយ័ត្ម ស្រាប់តែមានរថយន្តម៉ាកស៊ីណា ពណ៌ស ពាក់ស្លាកលេខភ្នំពេញ ២AS-៣២៤២ បើកស្របទិសគ្នា បានបុកពីក្រោយពេញទំហឹង បណ្ដាលឲ្យស្លាប់ម្នាក់ រងរបួសធ្ងន់២នាក់ ត្រូវបានដឹកបញ្ជូនទៅសង្គ្រោះនៅមន្ទីរពេទ្យស្រុកស្វាយអន្ទរភ្លាម។ ចំណែកអ្នកបើកបរថយន្តបង្ក មិនស្គាល់អត្តសញ្ញាណ បន្ទាប់ពីបង្កហេតុគេចខ្លួនបាត់ភ្លាម។ រួចយកម៉ូតូ និងរថយន្តទៅកាន់នគរបាលរដ្ឋបាលប៉ុស្តិ៍ស្វាយអន្ទរ រង់ចាំដោះស្រាយនៅពេលក្រោយ ។ ចំណែកសាកសពជនរងគ្រោះ សមត្ថកិច្ចបានប្រគល់ជូនក្រុមគ្រូសារយកទៅធ្វើបុណ្យតាមប្រពៃណី៕
No comments:
Post a Comment