តុលាការប្រជាពលរដ្ឋ ចាប់បុរសម្នាក់ កាត់ទោសដោយវាយទាត់ធាក់រងរបួសធ្ងន់ បន្ទាប់ពីបុរសរូបនេះធ្វើសកម្មភាព លួចកាច់សោរ កម៉ូតូ
ភ្នំពេញៈ ហេតការណ៍នេះបានកើតឡើងកាលពីយប់ថ្ងៃទី២ ខែកុម្ភៈ ឆ្នាំ២០១៨ នៅក្នុងផ្ទះប្រជាពលរដ្ឋមួយកន្លែង ដែលស្ថិតតាមបណ្តោយផ្លូវ៦៣ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យមានឈ្មោះ ណូ សុវណ្ណវង្ស ហៅ អាលូ ភេទប្រុស អាយុ២៦ឆ្នាំ មានមុខរបរមិនពិតប្រាកដក។ មុនពេលកើតហេតុ ជនសង្ស័យបានធ្វើសកម្មភាពលួចកាច់កម៉ូតូរបស់ជនរងគ្រោះម្នាក់ នៅតាមបណ្តោយផ្លូវ៦៣ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ហើយភ្លាមនោះ ជនរងគ្រោះក៏បានរាយការណ៍ទៅសមត្ថកិច្ច។ បន្ទាប់មក សមត្ថកិច្ចក៏ទៅដល់កន្លែងកើតហេតុ ហើយព្យាយាមរុករកជនសង្ស័យ ក៏ប្រទះឃើញជនសង្ស័យកំពុងតែសម្ងំក្នុងបន្ទប់ទឹករបស់ផ្ទះប្រជាពលរដ្ឋតែម្តង។
ជនសង្ស័យរូបនេះ បានធ្វើសកម្មភាពជាញឹកញាប់ហើយ តែសមត្ថកិច្ច និងប្រជាពលរដ្ឋមិនអាចចាប់បាន ទើបតែមកដល់ថ្ងៃកើតហេតុ ជនសង្ស័យបានធ្វើសកម្មភាពម្តងទៀត ហើយប្រជាពលរដ្ឋបានឃើញរាយការណ៍ទៅសមត្ថកិច្ចភ្លាមៗ ទើបឃាត់ខ្លួនបាននៅក្នុងផ្ទះប្រជាពលរដ្ឋ ដែលជនសង្ស័យសម្ងំនៅក្នុងបន្ទប់ទឹក។
សមត្ថកិច្ចបានបញ្ជូនជនសង្ស័យទៅធ្វើការសាកសួរនៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងបញ្ជូនទៅផ្នែកព្រហ្មទណ្ឌចាត់ការតាមនីតិវិធីច្បាប់៕
No comments:
Post a Comment