Yllix Ads

បុរសម្នាក់លួចម៉ូតូគេបានហើយជិះគេចខ្លួនត្រូវសមត្ថកិច្ចដេញតាម ភ័យពេកដួលម៉ូតូបោកក្បាលឈាមហូរស្រោចមុខ

ខេត្ត​ប៉ៃលិន ៖ បុរសម្នាក់ឃើញសោម៉ូតូគេទុកចោលលើទូរបាញ់ត្រីក្នុងកាស៊ីណូ បន្លំលួចជិះរត់គេចខ្លួន ត្រូវសមត្ថកិច្ចតាមប្រដេញ ភ័យពេកដួលម៉ូតូខ្លួនឯងរងរបួសក្បាលធ្ងន់ធ្ងរហូរឈាមស្រោចមុខ ត្រូវបញ្ជូនទៅមន្ទីរពេទ្យបង្អែកខេត្តប៉ៃលិន កាលពីវេលាម៉ោង ១២ និង ៣០នាទី ថ្ងៃត្រង់ ថ្ងៃទី០១ ខែកុម្ភៈ ឆ្នាំ២០១៨ នៅចំណុចមុខកាសុីណូ JM ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ជនសង្ស័យឈ្មោះ ចាន់ សារិទ្ធ ភេទប្រុស អាយុ ៤៨ឆ្នាំ មានទីលំនៅបច្ចុប្បន្ន រស់នៅភូមិ១២ សង្កាត់ផ្សារថ្មី៣ ខណ្ខដូនពេញ រាជធានីភ្នំពេញ ។ ចំណែកជនរងគ្រោះឈ្មោះ បួន សារ៉ុង ភេទប្រុស អាយុ ៣១ឆ្នាំ រស់នៅភូមិកើតហេតុខាងលើ ។ តាមប្រភពពីសមត្ថកិច្ចបានឲ្យដឹងថា​ មុនកើតហេតុជនរងគ្រោះបានចូលលេងក្នុងកាសុីណូ ហើយបានទុកសោម៉ូតូនៅលើទូរបាញ់ត្រី ក្រោយមកជនសង្ស័យបានលួចយកសោនោះ យកទៅជិះម៉ូតូ ដែលជនរងគ្រោះទុកចោលនៅខាងក្រៅ រួចជិះរត់គេចខ្លួនតាមផ្លូវ តែត្រូវបានម្ចាស់ម៉ូតូឃើញទាន់ ក៏ស្រែកឆោឡោដេញតាមរហូតដល់ចំណុចលូដាច់ ភូមិផ្សារព្រំ ជនសង្ស័យភ័យពេកបានដួលម៉ូតូរងរបួសធ្ងន់ឈាមហូរស្រោច សន្លប់បាត់ស្មារតីនៅហ្នឹងកន្លែង ។




No comments:

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Powered by Blogger.