ស្ដ្រីមានផ្ទៃពោះញ៉ាំទឹកដោះគោសរីរាង្គអាចបន្ថយកម្រិត IQ របស់កូនដែរទេ?

យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា ស្ត្រីមានផ្ទៃពោះដែលប្តូរមកញ៉ាំទឹកដោះគោសរីរាង្គវិញប្រហែលជាធ្វើឲ្យការលូតលាស់ខួរក្បាលរបស់កូនក្នុងផ្ទៃមានការប្រឈមមុខបាន។ រឿងនេះធ្វើឡើងក្រោយពី អ្នកស្រាវជ្រាវបានរកឃើញថា ទឹកដោះគោសរីរាង្គមានកម្រិតអ៊ីយ៉ូតតិចជាងទឹកដោះគោស្តង់ដារ។

ជាតិអ៊ីយ៉ូតជាតម្រូវការសម្រាប់មុខងារសុខភាពរបស់ក្រពេញទីរ៉ូអ៊ីត។ អ័រម៉ូនរបស់ក្រពេញនេះជាតម្រូវការចាំបាច់មួយសម្រាប់ការលូតលាស់របស់ខួរក្បាល និងខួរឆ្អឹងខ្នងក្នុងទារកដែលមិនទាន់កើត។ មានន័យថា កាលណាញ៉ាំជាតិអ៊ីយ៉ូតគ្រប់គ្រាន់ក្នុងពេលមានផ្ទៃពោះ វាគឺជារឿងសំខាន់សម្រាប់ជីវិត។

ជាលទ្ធផលនៃប្រព័ន្ធខុសៗគ្នា ទឹកដោះគោបានផលិតចេញពីគោសរីរាង្គដែលស៊ីស្មៅជាអាហារក្នុងរដូវក្តៅ ហើយក៏ត្រូវបានគេស្គាល់ទៀតថា វាមានជាតិអ៊ីយ៉ូតតិចជាងទឹកដោះគោស្តង់ដារដែរ។ ការសិក្សានេះបានប្រៀបធៀបទៅលើទឹកដោះគោដែឡបានមកពីផ្សាទំនើបក្នុងរដូវរងារ។ គេរកឃើញថា ក្នុងរដូវរងារ ទឹកដោះគោសរីរាង្គនៅតែមានជាតិអ៊ីយ៉ូតតិចជាងទឹកដោះគោស្តង់ដារមួយភាគបីដដែល។ រឿងនេះមិនបានគិតទៅដល់ជាតិខ្លាញ់ដែលវាមាននៅឡើយទេ។ ប៉ុន្តែជាតិអ៊ីយ៉ុតដែលមានស្ថិតក្នុងទឹកដោះគោសរីរាង្គធម្មតាចំណុះ ៣៤៦មីលីលីត្រគឺនៅតែគ្រប់គ្រាន់សម្រាប់តម្រូវការប្រចាំថ្ងៃ។

ទោះបីជាយ៉ាងណាក៏ដោយ អ្នកស្រាវជ្រាវមិនបានពិនិត្យពិតប្រាកដទៅលើឥទ្ធិពលនៃការទទួលទានទឹកដោះគោចំពោះសុខភាពកូននៅទេរួមទាំងភាពវ័យឆ្លាតផង។ ការសិក្សាក៏មិនបានពិចារណាទៅលើចំនួនផ្ទុកជាតិអ៊ីយ៉ូតនៅក្នុងផលិតផលធ្វើពីទឹកដោះគោ ឬប្រភពមិនមែនពីទឹកដោះគោដូចជា ស៊ុត ត្រី និងគ្រាប់ធញ្ញជាតិផ្សេងៗទៀតដែរ។

ទោះបីជាយ៉ាងណាក៏ដោយ ការសិក្សានេះមិនបានផ្តល់អំណះអំណាងណាមួយដែលបញ្ជាក់ថា ការញ៉ាំទឹកដោះគោសរីរាង្គក្នុងពេលមានផ្ទៃពោះមានការប៉ះពាល់ដល់ភាពវ័យឆ្លាតរបស់កូនក្នុងផ្ទៃឡើយ។ ប៉ុន្តែយកល្អគួរតែចាំថា ទឹកដោះគោសរីរាង្គទំនងជាមានជាតិអ៊ីយ៉ូតតិចជាងទឹកដោះគោស្តង់ដែឬ ដូច្នេះអ្នកប្រហែលជាត្រូវរក្សាតុល្យភាពញ៉ាំអាហារចេញពីប្រភពផ្សេងៗទៀតផង៕