រថយន្តទំនើបមួយគ្រឿងបើកបុកអ្នកជិះម៉ូតូបណ្តាលឱ្យយុវជនម្នាក់ស្លាប់ម្នាក់ទៀតរបួសធ្ងន់
(ភ្នំពេញ)៖គ្រោះថ្នាក់ចរាចរមួយរវាងរថយន្តទំនើបម៉ាកHILUXREVO2017បើកបុកជាមួយម៉ូតូពេញទំហឹងបណ្តាលឱ្យយុវជនម្នាក់ស្លាប់ភ្លាមៗម្នាក់ទៀតរបួសធ្ងន់ឯតៃកុងរថយន្តបើកទ្វាររត់តែសមត្ថកិច្ចដេញចាប់ខ្លួនបាន។ហេតុការណ៍បានកើតឡើងនៅលើកំណាត់ផ្លូវលេខ១០០៣ ភូមិទំនប់សង្កាត់ភ្នំពេញថ្មីខណ្ឌសែនសុខរាជធានីភ្នំពេញកាលពីយប់ថ្ងៃទី ២៧ ខែមករា ឆ្នាំ ២០១៨។
សាក្សីបានឱ្យដឹងថាមុនកើតហេតុគ្រោះថ្នាក់ចរាចរនេះកើតឡើងដោយរថយន្តHILUXREVO2017បានបើកបុកជាមួយម៉ូតូពេញទំហឹង។បន្ទាប់មកជនបង្កអ្នកបើកបររថយន្តបានព្យាយាមបើកទ្វាររថយន្តរត់គេតែសមត្ថកិច្ចដេញតាមទាន់ឃាត់ខ្លួនយកទៅធ្វើការសាកសួរតាមនីតិវិធី។ដោយឡែករថយន្តបង្កហេតុនិងម៉ូតូជនរងគ្រោះសមត្ថកិច្ចបានធ្វើការវាស់វែងនៅកន្លែងកើតហេតុរួចយកទៅរក្សាទុកអធិការដ្ឋាននគរបាលខណ្ឌសែនសុខ ដើម្បីដោយស្រាយតាមផ្លូវ៕
No comments:
Post a Comment