រថយន្តបុកជាមួយម៉ូតូបណ្ដាលឲ្យមនុស្សម្នាក់ស្លាប់ភ្លាមៗនៅស្រុកសំរោងទង
សាក្សីបានឃើញហេតុការណ៍បានឲ្យដឹងថាមុនពេលកើតហេតុពួកគាត់ឃើញ មានរថយន្តមួយគ្រឿងម៉ាកហាយឡែនឌ័រ ពណ៌ស ពាក់ស្លាកលេខ ភ្នំពេញ 2AR.7074 អ្នកបើកបរមិនស្គាល់ឈ្មោះបើកបរពីកើតទៅលិច។
លុះបើកមកដល់ចំណុចខាងលើ ក៏បានបុកម៉ូតូមួយគ្រឿងម៉ាកហុងដាសេ១២៥ សេរី២០១៣ ពណ៌ខ្មៅ ពាក់ស្លាកលេខ តាកែវ 1B.4716 បើកបរដោយឈ្មោះ ឃឹម ខា ភេទស្រី អាយុ៣៣ឆ្នាំ រស់នៅភូមិត្រពាំងមាន់ ឃុំព្នាយ ស្រុកសំរោងទងដែលបើកបរស្របទិសគ្នាពេញទំហឹង បណ្តាលឲ្យអ្នកបើកម៉ូតូស្លាប់នៅនឹងកន្លែងកើតហេតុ ។
ក្រោយពីកើតហេតុអ្នកបើករថយន្តបង្កបានចុះរត់គេចខ្លួនបាត់។សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ចំណែកម៉ូតូនិងរថយន្តត្រូវបានជំនាញធ្វើការវាស់វែងនិងយកមករក្សាទុកនៅអធិការដ្ឋាននគរបាលស្រុកសំរោងទងរង់ចាំដោះស្រាយតាមនិតិវិធី៕
No comments:
Post a Comment