ប្រដាប់ភេទបុរសម្នាក់ ស្រាប់តែឡើងរឹងជាប់រយៈពេល ២១ថ្ងៃមិនព្រមស្រក
នេះជារឿងដ៏ចម្លែកមួយកម្រជួបប្រទះដែលថ្មីៗនេះ បុរសម្នាក់ត្រូវបានក្រុមគ្រូពេទ្យធ្វើការវះកាត់ជួយសង្គ្រោះជីវិតខណៈពេលអាអូនតូចរបស់គាត់ឡើងរឹងរហូតដល់ទៅ២១ថ្ងៃមិនព្រមស្រកស្រុតចុះ ដែលអាការនេះធ្វើឲ្យគាត់ពិបាកទ្រាំជាទីបំផុត។ តាមពត៌មានបានឲ្យដឹងថា ថ្មីៗនេះបុរសដែលជាអ្នកជំនួញម្នាក់អាយុ៥៥ឆ្នាំ បានបង្ខំចិត្តចូលក្នុងមន្ទីរសង្គ្រោះបន្ទាន់ ដើម្បីធ្វើការវះកាត់បន្ទាប់ពីប្រដាប់ ភេទរបស់លោកមិនព្រមឈប់រឹងរហូតដល់ទៅ២១ថ្ងៃហើយនោះ។ នេះបើយោងតាមប្រភពគេហទំព័រមួយរបស់ថៃ បានចេញផ្សាយនាពេលកន្លងទៅ។
នៅទីបំផុតក្រុមគ្រូពេទ្យកុលកាតា ប្រទេសឥណ្ឌាបានប្រថុយធ្វើការវះកាត់ ដើម្បីបញ្ចប់ទុក្ខវេទនារបស់បុរសវ័យកណ្ដាលនេះ ប៉ុន្ដែទោះបីជាគេវះកាត់ប្រកបដោយជោគជ័យក៏ដោយ តែដំណឹងអាក្រក់សម្រាប់បុរសនេះគឺគាត់មិនអាចរួមភេទតទៀតបានទៀតទេ ។ ទាក់ទិននឹងបញ្ហានេះលោកបណ្ឌិត អាវីស៊ិក មុឃើជី បាននិយាយថា នៅពេលបុរសនោះស្វែងរកការព្យាបាលគឺវាបានយឺតពេលទៅហើយ ។ចាត់ទុកថាលោកមានសំណាងហើយៗ បើសិនជាយឺតពេលក្នុងការវះកាត់នោះ គឺវាបណ្ដាលឲ្យគាត់ស្លាប់បាន។
ទាក់ទិននឹងបញ្ហានេះត្រូវបានគេសង្ស័យថា មូលហេតុដែលបុរសនោះកើតអាការៈនេះដោយសារលេបថ្នាំវីយ៉ាក្រា ប៉ុន្ដែបុរសនោះបានបដិសេធថា គេមិនបានលេបវីយ៉ាក្រាដើម្បីជួយជំរុញផ្លូវភេទនោះទេ។ដោយឡែកសម្រាប់ក្រុមគ្រូពេទ្យបានឲ្យដឹងថា បុរសនោះកើតជម្ងឺម្យ៉ាងឈ្មោះ Priapiasm កើតឡើងដោយសារប្រព័ន្ធប្រាសាទដែលជម្ងឺនេះគឺវាទប់ស្កាត់ឈាមមិនឲ្យហូរចេញពីអវយវភេទ។លោកបណ្ឌិតមុឃើជី បានពន្យល់ទៀតថា ក្នុងអំឡុងពេលនៃអវយវឡើងរឹងនោះ លំហូរឈាមបានឈប់ហូរ។
ដូច្នេះប្រសិនបើវានៅតែរឹងច្រើនម៉ោងការផ្គត់ផ្គង់ឈាមទៅអវយវភេទត្រូវបានកាត់បន្ថយ ដែលធ្វើឲ្យអវយវភេទខូច ហើយគ្រោះថ្នាក់ជាងនេះទៀតនោះប្រសិនបើការផ្គត់ផ្គង់ឈាមនៅតែដាច់នៅក្នុងរយៈពេលយូរ លិង្គនោះអាចកើតដំបៅរលួយ។ លោក មុឃើជី បន្ថែមថា ពួកយើងបានវះកាត់ធ្វើឲ្យឈាមអាចហូរបានក្នុងពេលកើតអាការនេះភ្លាមៗ តែសម្រាប់គាត់គឺវាហួសពេលនឹងជួយទៅហើយ គឺមានតែវិធីវះកាត់ដើម្បីជួយដល់ជីវិតរបស់គាត់ប៉ុណ្ណោះ៕
No comments:
Post a Comment