ទូរសព្ទ Elari Nano Phone ដ៏តូចច្រឡឹងមានលក់តាមហាងតម្លៃ ៥០ ដុល្លារ

ទូរសព្ទ Elari Nano Phone

Elari Nano Phone

កន្លងមកប្រិយមិត្តបានស្គាល់ទូរសព្ទ Zanco Tiny1 ដែលជាទូរសព្ទតូចជាងគេបំផុតលើលោកទំហំប៉ុនមេដៃប៉ុណ្ណោះ។ ដោយឡែកថ្ងៃនេះក្រុមការងារណែនាំទូរសព្ទដ៏តូចត្រឡឹងមួយទៀតម៉ូឌែល NanoPhone C របស់ក្រុមហ៊ុន Elari។ កុំឲ្យខាតពេលយូរ មកមើលចំណុចពិសេសៗដែលមាននៅលើទូរសព្ទដ៏តូចនេះ។

ទូរសព្ទតូចនេះ មានរាងជ្រុងទ្រវែង ប៉ុនពីរធ្នាប់ដៃប៉ុណ្ណោះ ប៉ុន្តែស្រោបដោយជ័រសុទ្ធទាំងមុខ-ក្រោយ មានគ្រាប់ចុច ១៦ គ្រាប់រៀបជាលក្ខណៈផ្ដេកស្រដៀងគ្រាប់ចុច Nokia 3310 ដែរ។ មានអេក្រង់ទំហំ ១ អ៊ីញ ឯផ្ទៃ Interface ដំបូងបង្ហាញបានតែម៉ោង សញ្ញារូបថ្ម បង្គោលសេវា សញ្ញា Bluetooth ឬភ្លេងចម្រៀងតែប៉ុណ្ណោះ។

អ្នកអាចចុចដោះសោរនៅលើ NanoPhone C ដោយគ្រាន់តែចុចប៊ូតុង OK+* ជាការស្រេច ឯប៊ូតុងខាងលើសម្រាប់ចុចត្រឡប់ទៅត្រឡប់មក។ បើចង់ត្រឡប់ក្រោយម្ដងទាំងអស់ចុចលើប៊ូតុងខាងស្ដាំ។

Elari Nano Phone

អាចភ្ជាប់ Bluetooth ជាមួយស្មាតហ្វូន Android និង iOS បាន
អាចខលចេញខលចូលបាន
អាចរក្សាទុកលេខ Contact និង Copy ទុកបានជាង ១០០០ លេខ
មាន MP3, វិទ្យ FM, កន្លែងថតសំឡេងពេលនិយាយ និង Voice recorder ទៀតផង
សាកភ្លើងជាមួយខ្សែ USB 3.0
អាចដាក់មេម៉ូរីកាតបានទំហំ 32GB
មានរន្ធដាក់ស៊ីមប្រភេទ Micro-SIM
មានរន្ធដោតកាសប្រវែង ៣.៥ មីលីម៉ែត្រ
ពណ៌ប្រាក់ មាស និងពណ៌ខ្មៅ
ទម្ងន់ ៣០ ក្រាមប្រហែល ៣ ខាំ(រង្វាស់ខ្នាតទម្ងន់របស់ខ្មែរ)
ថាមពលថ្មទំហំ ២៨០ មីលីអំពែម៉ោងប្រភេទ Li-Polymerកាន់បាន ២ ថ្ងៃ(ប្រើធម្មតា) បើនិយាយជាប់រហូតបាន ៣ ម៉ោង។

Elari NanoPhone C នេះមានដើមកំណើតមកពីប្រទេសរុស្ស៊ីដែលមានលោក Yosef Sachs ជាស្ថាបនិកនិងជានាយកប្រតិបត្តិក្រុមហ៊ុន Elari ។ NanoPhone C ប្រកាសដាក់លក់ដំបូងគេនៅឥណ្ឌាកាលពីខែកក្កដា ឆ្នាំ ២០១៧ ជាមួយតម្លៃប្រមាណ ៦១ ដុល្លារ។ ចំណែកតម្លៃដាក់នៅខ្មែរក្នុងហាងអាន ឆែលក់ទូរសព្ទខ្ទង់ប្រមាណជា ៥០ ដុល្លារ៕

Elari Nano Phone

ម៉ាក Elari ប្រទេសរុស្ស៊ីនេះផងដែរក៏មានផលិតផលបច្ចេកវិទ្យាជាច្រើនទៀតដូចជា SmartDrive USB, កាស, នាឡិកាឆ្លាតវៃសម្រាប់ក្មេងៗ ឆ្នាំងសាកឥតខ្សែ PowerBanks ជាដើម៕