ចង់ឈ្នះចង់ចាញ់គ្នា បានអ្វីមកវិញ?

ពេលបែកគ្នាម្តងៗស្រួលក្នុងខ្លួនទេ? ម្នាក់ៗមានក្តីសុខណាស់មែនទេពេលនៅឆ្ងាយពីគ្នា?មិនថាថ្ងៃនេះ អ្នកទាំងពីរឈ្លោះគ្នា គ្រាន់តែចង់វៃឬកដាក់គ្នា ឈ្លោះហើយក៏ត្រូវៗ ប៉ុន្តែថ្ងៃណាមួយវានឹងមែនទែនជាមិនខាន បើអ្នកនៅតែបន្តរបែបនេះទៀត។ កុំប្រើប្រាស់ស្នេហារបស់អ្នកដូចជាការរត់ម៉ារ៉ាតុង នៅពេលចាប់ផ្តើមដំបូងៗអ្នកអាចនឹងស៊ូទ្រាំជាមួយការឈឺចាប់បាន ប៉ុន្តែយូរទៅអ្នកក៏គង់តែនឹងហត់ បោះបង់វាដោយខ្លួនឯង ហើយដល់ពេលនោះកុំសួរថាហេតុអីទើបគេអស់ចិត្ត ឬមូលហេតុដែលអ្នកទាំងពីរអស់ចិត្តពីរគ្នា។ សូមកុំយកពាក្យបែកគ្នាមកលេងសើច នៅពេលដែលអ្នកខឹង នៅពេលដែលអ្នកប្រចណ្ឌ នៅពេលដែលអ្នកហួងហែង ឬនៅពេលអ្នកមិនសមបំណង វាគ្មានចំណេញអ្វីឡើយក្រៅពីធ្វើអោយដៃគូរបស់អ្នកត្រូវឈឺចាប់នោះឡើយ។