ជនជាតិវៀតណាមយក​បង្គា​មក​ដាក់​ហាល​ពាស់ពេញ​ផ្លូវ​កៅស៊ូ ដែល​ជា​ផ្លូវ​សាធារណ​របស់រ​ដ្

ខេត្តកណ្តាល ៖ ឈ្មួញ​ជនជាតិ​វៀតណាម​មួយ​ក្រុម បាន​យក​បង្គា​មក​ដាក់​ហាល​ពាស់ពេញ​ផ្លូវ​កៅស៊ូ ដែល​ជា​ផ្លូវ​សាធារណ​របស់រ​ដ្ធ ត្រង់​ចំណុច​អតីត​កំពង់ចម្លង​អ្នក​លឿង ត្រើយ​ខាងលិច​ស្ថិត​ក្នុងភូមិ​កំពង់ចម្លង ឃុំ​ព្រែក​ទន្លាប់ ស្រុក​លើក​ដែក ខេត្តកណ្តាល។ ប្រជាពលរដ្ឋ​ក៏​ដូច​ជា​ក្រុម​អាជីវករ​រស់នៅ​ជុំវិញ​តំបន់​នេះ បាន​លើក​ឡើង​ថា ចាប់តាំងពី​សាឡា​ង​ឈប់​ចម្លង ពួក​គាត់​សង្កេត​ឃើញ​ក្រុម​ឈ្មួញ​ជនជាតិ​វៀតណាម​ទាំងនោះ តែងតែ​យក​បង្គា​ស្រស់​មក​ដាក់​ហាល​ពាស់ពេញ​ថ្នល់​កៅស៊ូ​នេះ ចាប់ពី​ម៉ោង​៧​ព្រឹក​រហូត​ដល់​ម៉ោង​៤​ទៅ​៥​ល្ងាច ទើប​ក្រុម​ជនជាតិ​វៀតណាម​ទាំងនេះ​សារ​ប្រមូល​ថ្លឹង​លក់​ឲ្យ​ឈ្មួញ​មិនទាន់តអស់​ក៏​ដោយ ក៏​ក្លិនស្អុយ​ឆ្អេះឆ្អាប​នេះ​នៅ​តែ​ជះ​ធុំ​ភាយ​ប៉ះពាល់​ដល់​បរិស្ថាន​យ៉ាងធ្ងន់ធ្ងរ​មិនបាច់​ថា ពេល​ហូប​បាយ​មិន​ចង់​ចូល​មាត់​ទេ សូ​ម្បី​តែ​ពេលដេក​យប់​ឡើង​ធុំក្លិន​ស្អុយ​ឈួ​ល​ពេញ​ច្រមុះ​ដេក​ស្ទើ​មិន​ចង់​លក់​ដែរ។ មិនតែប៉ុណ្ណោះ​ជូន​កាល​ពួក​ឈ្មួញ​ជនជាតិ​វៀតណាម​ទាំងនោះ បញ្ជា​ឲ្យ​កូនចៅ​កម្មករ​យក​ខ្សែ​ចង​ព័ទ្ធ​ជុំវិញ​បិទផ្លូវ​សាធារណ​មិន​ឲ្យ​អ្នក​ធ្វើ​ដំណើរ​ឆ្លងកាត់​បាន​ឡើយ។ ដោយ​ពួក​គេ​បាន​អះអាង​ថា ផ្លូវ​សាធារណ​របស់​រដ្ឋ​នេះ ពួក​គេ​បាន​ជួល​បង់លុយ រួចរាល់​អស់ហើយ។ប៉ុន្តែ​ពួក​គេ​មិន​បាន​បញ្ជាក់​ប្រាប់​ថា បង់​ឲ្យ​ខាង​ណាខ្លះ ឫ​ប៉ុន្មាន​លុយ​ក្នុង​មួយ​ខែ ឫ​ថ្ងៃ​នោះ​ទេ ដូច្នេះ​ដាច់ខាត​មិន​ឲ្យ​មាន​អ្នក​ឆ្លងកាត់​នោះ​ទេ។ ជាក់ស្តែង​កាល​វេលា​ម៉ោង​ប្រហែល​១០​ព្រឹក​ថ្ងៃ​ទី​៣១ ខែមករា​នេះ មាន​អ្នក​មក​ពី​ឆ្ងាយ​គាត់​មិន​បានដឹង​ថា តាម​ផ្លូវ​មាន​គេ​ដាក់​ហាល​បង្គា​នោះ​ទេ បាន​ជិះ​ម៉ូតូ​មួយ​គ្រឿង​ឌុ​ប​គ្នា​៣​នាក់ ឪពុក​និង​កូន​បាន​ជិះ​ចូល​តាម​ចន្លោះ​ដែល​គេ​មិន​ទាន់​ចងខ្សែ​ទៅ​កិន​លើ​បង្គា​នោះ​បណ្តាល​ឲ្យ​រអិល​ដួល​ម៉ូតូ​ស្រាប់ តែ​ក្រុម​ឈ្មួញ​ជនជាតិ​វៀ​ម​ទាំងនោះ​ស្ទុះ​មក​រក​ព្រួត​គ្នា​វាយ​គាត់​ទាំង​៣​នាក់​ឪពុក​និង​កូន​នោះ។ បន្ទាប់​ពី​ជម្លោះ​ប្រកែក​គ្នា រវាង​ជនជាតិ​វៀតណាម អ្នក​ហាល​បង្គា និង​មនុស្ស​ប្រុស​ស្រី​៣​នាក់​ឪពុក​នឹង​កូន​នោះ​បាន​មួយសន្ទុះ គេ​សង្កេត​ឃើញ​សមត្ថកិច្ច​នគរបាល​ប៉ុស្តិ៍​ព្រែក​ទន្លាប់​ចុះ​មក​អន្តរាគមន៍​សម្របសម្រួល​បញ្ចប់រឿង ដោយ​ឲ្យ​បុរស​៣​នាក់​ឪពុក និង​កូន​នោះ បន្តដំណើរ​ទៅ​មុខ​ទៀត​មិនបាច់​ឲ្យ​សង​បង្គា​ទេ។ បើ​តាម​ស្ត្រី​ជនជាតិ​វៀតណាម​ម្នាក់​បាន​ឲ្យ​ដឹង​ថា គាត់​បាន​ទិញ​បង្គា​ស្រស់​ពី​ពលរ​ដ្ធ​រក​តាម​បឹង​ក្នុងស្រុក​លើក​ដែក​យក​មក​ដាក់​ហាល​នៅ​ទី​នេះ ដោយ​បាន​បង់លុយ​ឲ្យ​គេ តែ​គាត់​មិន​បាន​ថា​បង់​ឲ្យ​ទៅ​ខាង​ណាខ្លះ ឫ​ឈ្មោះ​អី​និង​បង់​ប៉ុន្មាន​នោះ​ទេ គ្រាន់តែ​ប្រាប់​ថា បង្គា​នេះ​គាត់​ហាល​ឲ្យ​ស្ងួត ហើយ​លក់​បន្ត​ទៅ​ឲ្យ​ឈ្មួញ​ធំ​មិនដឹង​គាត់​យក​លក់​នៅ​ទីណា​បន្ត​ទៀត​ទេ។ សមត្ថកិច្ច​បាន​ប្រាប់​ថា បរិវេណ​ផ្លូវ​ដី​អតីត​សាឡា​ង​នេះ ក្រោម​ការ​គ្រប់គ្រង​របស់​ក្រសួង​សាធារណការ ហើយ​ពាក់​ព​ន្ធ័​រឿង​បង់លុយ​មិនដឹង​គេ​បង់​ឲ្យ​ទៅ​ខាងលើ​ណា​ទេ តែ​ចំពោះ​កម្លាំង​សមត្ថកិច្ច​មិន​បាន​ប៉ះពាល់​ទេ។ រីឯ​លោក ងី សារី មេឃុំ​ព្រែក​ទន្លាប់​បាន​ប្រាប់​ថា លោក​ពុំ​ទាន់​បានដឹង​បញ្ហា​នេះ​ទេ តែ​បរិវេណ​នេះ​គ្រប់គ្រង​ដោយ​ក្រសួង​សាធារណការ និង​ដឹក​ជញ្ជូន ព្រោះ​គេ​បាន​មក​ជួប​លោក​ម្តង​រួច​ហើយ​តែ​រឿង​នេះ​ចាំ​រូប​លោក​សួរ​ទៅ​សមត្ថកិច្ច។